නිට්ටඹුව – හක්වඩුන්න ප්‍රදේශයේදී සිදුවූ වෙඩි තැබීමකින් යතුරුපැදියක ගමන් කරමින් සිටි මවක් මියගොස් ඇයගේ පුතු තුවාල ලබා තිබෙනවා.
තවත් යතුරුපැදියකින් පැමිණි දෙදෙනෙකු මෙම වෙඩි තැබීම සිදුකර ඇති බවයි පොලීසිය ප්‍රකාශ කළේ.
අද දහවල් 12.55 ට පමණ මෙම වෙඩි තැබීම සිදුව තිබෙනවා.
තුවාල ලැබූ මව සහ පුතු වතුපිටිවල රෝහලට ඇතුළත් කළ අතර, පසුව මව මියගිය බව රෝහල් ප්‍රකාශකයෙකු සදහන් කළා.
මියගොස් ඇත්තේ කල්එළිය ප්‍රදේශයේ පදිංචි 53 හැවිරිදි කාන්තාවක්.
ඇයගේ පුත්‍රයා වන 26 හැවිරිදි තරුණයා වතුපිටිවල රෝහලේ ප්‍රතිකාර ලබනවා.
සැකකරුවන් මෙතෙක් අනාවරණ වී නොමැති අතර නිට්ටඹුව පොලිසියයි විමර්ශණ මෙහෙයවන්නේ.
update : Thursday, 24 May 2018 – 14.58
———————————————————–
නිට්ටඹුව ප්‍රදේශයේදී අද (24) දහවල් සිදුවූ වෙඩි තැබීමකින් යතුරුපැදියකින් යමින් සිටි කාන්තාවකට සහ ඇයගේ පුත්‍රයා තුවාල ලබා තිබෙනවා.
වෙඩි වැදීමෙන් තුවාල ලැබූ මවගේ තත්වය බරපතළ බවයි පොලිසිය ප්‍රකාශ කළේ.
