අයවැයට ඡන්දය ලබාදීම සම්බන්ධයෙන් අවසන් තීරණයක් ගැනීමට රැස්වූ එක්සත් ජනතා නිදහස් සන්ධානයේ සාකච්ඡාව එකගතාවකින් තොරව අවසන් වී තිබෙනවා.
පාර්ලිමේන්තු මන්ත්‍රී මහින්ද අමරවීර සඳහන් කළේ හෙට දිනයේදී ද අයවැයට ඡන්දය ලබාදීම පිළිබඳ තීරණය කිරීමට ශ්‍රී ලංකා නිදහස් පක්ෂය සහ එක්සත් ජනතා නිදහස් සන්ධානය වෙන වෙනම රැස්වී සාකච්ඡා කරන බවයි.
update : Thursday, 04 April 2019 – 17.25
—————————————————————
අයවැය සම්බන්ධයෙන් තීරණයක් ගන්න – සන්ධාන මන්ත්‍රී කණ්ඩායම රැස්වෙයි
අයවැයට ඡන්දය ලබාදීම සම්බන්ධයෙන් අවසන් තීරණයක් ගැනීම සදහා එක්සත් ජනතා නිදහස් සන්ධානයේ මන්ත්‍රී කණ්ඩායම මේ වනවිට රැස්වී තිබෙනවා.
ඒ ජනාධිපති මෛත්‍රීපාල සිරිසේන සහ විපක්ෂ නායක මහින්ද රාජපක්ෂගේ ප්‍රධානත්වයෙන්.
අද පස්වරු 4.30 ට පමණ පාර්ලිමේන්තු සංකීර්ණයේදී මෙම සාකච්ඡාව ආරම්භ වූ බවයි එහි සිටින අප වාර්තාකරු සදහන් කළේ.
