අයි ඕ සී ඉන්ධන මිල ගණන් ද අද (15) මධ්‍යම රාත්‍රියේ සිට ක්‍රියාත්මක වන පරිදි අඩු කිරීමට පියවර ගෙන තිබෙනවා.
ඒ අනුව අයි ඕ සී සමාගමේ ඔටෝ ඩීසල් ලීටරයක් රුපියල් 7 කින් සහ සුපර් ඩීසල් ලීටරයක් රුපියල් 5 කින් අඩුවනු ඇති.
එමෙන්ම ඔක්ටේන් 92 සහ 95 වර්ගයේ පෙට්‍රල් ලීටරයක මිල රුපියල් 5 කින් අඩු කිරීමටයි සමාගම තීරණය කර ඇත්තේ.
මේ අතර ලංකා ඛනිජ තෙල් නීතිගත සංස්ථාවේ ඉන්ධන මිල ගණන් ද අද මධ්‍යම රාත්‍රියේ සිට ක්‍රියාත්මක වන පරිදි අඩු කෙරුනා.
ඒ අනුව ඔක්ටේන් 92 වර්ගයේ සහ ඔක්ටේන් 95 වර්ගයේ පෙට්‍රල් ලීටරයක මිල රුපියල් 5 කින් අඩුවන බවයි කොළඹ පැවති මාධ්‍ය හමුවකට එක්වෙමින් අමාත්‍ය ගාමිණී ලොකුගේ කියාසිටියේ.
එමෙන්ම ඔටෝ ඩීසල් සහ සුපර් ඩීසල් ලීටරයක මිල ද අද මධ්‍යම රාත්‍රියේ සිට රුපියල් 5 කින් අඩුවනු ඇති.
