ජනාධිපති මෛත්‍රීපාල සිරිසේන පොළොන්නරුවේ ඉදිකෙරෙන ජාතික වකුගඩු රෝහලේ ඉදිකිරීම් කටයුතු අද නිරීක්ෂණය කළා.
රෝහලේ ඉදිකිරීම් කඩිනම් කරන ලෙසයි ජනාධිපතිවරයා එහිදී බලධාරින්ට උපදෙස් ලබාදී ඇත්තේ.
රුපියල් මිලියන 12,000 ක වියදමින් ඉදිකෙරෙන මෙම රෝහල දකුණු ආසියාවේ විශාලතම වකුගඩු රෝහලයි.
වකුගඩු රෝහල නිරීක්ෂණය කිරීමෙන් අනතුරුව ජනාධිපතිවරයා පරාක්‍රම සමුද්‍රය ද නිරීක්ෂණය කළා.
එමෙන්ම, පොළොන්නරුව පූජා භූමියට පැමිණ සිටින ජනතාව සමග සුහද කතාබහක නිරත වූ ජනාධිපති මෛත්‍රීපාල සිරිසේනට ඔවුන් තම ගැටලූ ද ඉදිරිපත් කර තිබෙනවා.
