ශ්‍රී ලංකන් එයාර් ලයින්ස්, මිහින් ලංකා සහ ශ්‍රී ලංකන් කේටරින් සමාගම්වල සිදුවූ බව කියන අක්‍රමිකතා සොයාබැලීමට පත්කළ ජනාධිපති කොමිසමේ සාක්ෂි විමසීම අද ආරම්භ වුණා.
ඒ අනුව සමාගම් රෙජිස්ට්‍රාර් දෙපාර්තමේන්තුවේ අධ්‍යක්‍ෂ ජනරාල්වරයාගෙන් සහ එහි තවත් නිලධාරියෙකුගෙන් අද දිනයේ ප්‍රශ්න කිරීම් සිදුකරන බවයි කොමිසමේ ලේකම් ආරියදාස කුරේ සඳහන් කළේ.
2006 ජනවාරි මස 1 වනදා සිට 2018 ජනවාරි මස 31 වනදා දක්වා කාලය තුළ අදාළ සමාගම්වල සිදුවූ බව කියන අක්‍රමිකතා සොයාබැලීමට ජනාධිපති මෛත්‍රිපාල සිරිසේන මෙම කොමිසම පත් කරනු ලැබුවේ පසුගිය පෙබරවාරි මස 2 වනදායි.
