බද්දේගම මහේස්ත්‍රාත් අධිකරණ පරිශ්‍රයේදී බන්ධනාගාර නිලධාරින්ගෙන් මිදී පලාගිය රැඳවියන් පස්දෙනෙකු කොළඹ ප්‍රදේශයට පැමිණ ඇති බවට තොරතුරු අනාවරණ වී තිබෙනවා.
පොලිස් විශේෂ කාර්ය බලකායේ කණ්ඩායම් කිහිපයක් මේ වනවිටත් ඒ සම්බන්ධයෙන් විමර්ශන ආරම්භ කර ඇති බවයි වාර්තා වන්නේ.
සිද්ධිය සම්බන්ධයෙන් මාතර සහකාර බන්ධනාගාර අධිකාරීවරයාගේ ප්‍රධානත්වයෙන් යුත් කණ්ඩායමක් මගින් ද විමර්ශනයක් ක්‍රියාත්මකයි.
ඊට අදාළ වාර්තාව ලබන සදා බන්ධනාගාර දෙපාර්තමේන්තුව වෙත භාරදීමට නියමිත බවයි බන්ධනාගාර මාධ්‍ය ප්‍රකාශක තුෂාර උපුල්දෙණිය කියා සිටියේ.
බද්දේගම මහේස්ත්‍රාත් අධිකරණ පරිශ්‍රයේදී බන්ධනාගාර නිලධාරීන්ගෙන් මිදී පලාගිය රැඳවියන් 6 දෙනා අතුරෙන් 21 හැවිරිදි එක් රැඳවියෙකු බද්දේගම – ඇල්ලකන්ද ප්‍රදේශයේ සිය පෙම්වතියගේ නිවසේ සිටියදී පසුගිය මස 29 වනදා අත්අඩංගුවට ගැණුනා.
