විදේශීය රටක නිෂ්පාදිත ගිනි අවි දෙකක් සමඟ සැකකරුවන් දෙදෙනෙකු කටාන ප්‍රදේශයේදී අත්අඩංගුවට ගෙන තිබෙනවා.
එක් සැකකරුවෙකු පිස්තෝල වර්ගයේ ගිනි අවියක් සමඟ කටාන – කළුවාරිප්පුව ප්‍රදේශයේදී ඊයේ අත්අඩංගුවට ගෙන ඇති අතර, ඔහු එම ප්‍රදේශයේම පදිංචි 35 හැවිරිදි පුද්ගලයෙකු බවයි පොලීසිය ප්‍රකාශ කළේ.
කටාන – ඉද්දගොඩැල්ල ප්‍රදේශයේදී අත්අඩංගුවට ගත් අනෙක් සැකකරු කිඹුලාපිටිය ප්‍රදේශයේ පදිංචි 33 හැවිරිදි පුද්ගලයෙක්. ඔහු සතුව තිබී විදේශීය රටක නිෂ්පාදිත රිවෝල්වර වර්ගයේ ගිනි අවියක් සොයාගෙන තිබෙනවා.
