උමාඔය බහුකාර්ය ව්‍යාපෘතිය හේතුවෙන් සිදුව ඇති වගා හානි සහ නිවාස හානි ඇතුළු සියලූ කරුණු සම්බන්ධයෙන් මාර්තු මස 27 වනදාට පෙර අධිකරණයට කරුණු ඉදිරිපත් කරන ලෙස ශ්‍රේෂ්ඨාධිකරණය අද රජයට නියම කළා.
ඒ මෙම නඩුව අගවිනිසුරු ප්‍රියසාද් ඩෙප්, ප්‍රියන්ත ජයවර්ධන සහ විජිත් මළල්ගොඩ යන ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල හමුවේ කැදවූ අවස්ථාවේදීයි.
උමාඔය බහුකාර්ය ව්‍යාපෘතිය හේතුවෙන් ගැටලූ රැසක් උද්ගතව ඇති බවට පවසමින් බණ්ඩාරවෙල ප්‍රදේශවාසීන් 4 දෙනෙකු සහ පරිසර යුක්ති කේන්ද්‍රය මෙම පෙත්සම ගොනුකර තිබුණා.
