මාරවිල – ලන්සිගම ප්‍රදේශයේදී පොල්වත්තකට අනවසරයෙන් ඇතුලූවී පොල් ගෙඩි 200 ක් සොරකම් කර එය ප්‍රවාහනය කරමින් සිටි තරුණයන් සිව්දෙනෙකු අත්අඩංගුවට ගෙන තිබෙනවා.
සොරකම් කළ පොල් තොගයෙන් කොටසක් ත්‍රිරෝද රථයකින් ප්‍රවාහනය කිරීමට සූදානම් වූ අවස්ථාවේ මෙලෙස ඔවුන් අත්අඩංගුවට ගනු ලැබූ බවයි පොලීසිය සඳහන් කළේ.
සැකකරුවන් එම ප්‍රදේශයේම පදිංචි අවුරුදු 25 ත් 30 ත් අතර වයස්වල පසුවන්නන්.
පොලීසිය සඳහන් කළේ වෙළඳපොලේ පොල් මිල ඉහළ යාම හේතුවෙන් ප්‍රදේශයේ පොල් සොරකම් කිරීම් සම්බන්ධ පැමිණිලි මේ දිනවල වැඩි වශයෙන් වාර්තාවන බවයි.
