ප්‍රධාන දේශපාලන පක්ෂ කිහිපයක මැයි දින රැළි මේ වන විට ආරම්භ වී තිබෙනවා.
ශ්‍රී ලංකා නිදහස් පක්ෂයේ මැයි දින රැළිය මේ වන විට මඩකලපුව – චෙන්කලඩි – මාවඩිවෙම්බු ක්‍රීඩාංගණයේදී ආරම්භ වී තිබෙනවා.
ඒ, ජනාධිපති මෛත්‍රීපාල සිරිසේනගේ ප්‍රධානත්වයෙන්. මේ අතර, ඒකාබද්ධ විපක්ෂය ප්‍රමුඛ ශ්‍රී ලංකා පොදුජන පෙරමුණේ මැයි දින රැළිය ද මේ වන විට ආරම්භ වී තිබෙනවා.
මෙවර එම පෙරමුණේ මැයි දින රැළිය පැවැත්වෙන්නේ ගාල්ලේ – සමනල ක්‍රීඩාංගණයේයි.
එමෙන්ම ජනතා විමුක්ති පෙරමුණේ මැයි දින පා ගමන මේ වන විට කොළඹ – බී.ආර්.සී. පිටියට ළඟා වෙමින් තිබෙනවා.
බොරැල්ල – කැම්බල් පිටියෙන් අද පස්වරු 1ට පමණ ඔවුන්ගේ පා ගමන ආරම්භ වූයේ.
