රට පුරා විසිරුණු ගම්මානවල ජනතාව මුහුණ දී ඇති ගමේ ගැටලු පිළිබඳව බලධාරීන් දැනුම්වත් කර ඒවාට විසඳුම් ලබාදීමේ අරමුණින් ක්‍රියාත්මක හිරු ගමින් ගමට වැඩසටහනේ 03 වන අදියර කුරුණෑගල දිස්ත්‍රික්කය කේන්ද්‍ර කරගනිමින් මේ වනවිට ක්‍රියාත්මක වනවා.
ඒ අනුව හිරු ගමින් ගමට වැඩසටහන ඊයේ (05) ක්‍රියාත්මක වූයේ මල්ලවපිටිය – දොරටියාව – මෙල්ලගොඩවත්ත මහජන ක්‍රීඩාංගණයේයි.
හිරු ගමින් ගමට වැඩසටහන අද (06) පැවැත්වෙන්නේ මල්ලවපිටිය – කුඩාමොරගොල්ල – ප්‍රජා ශාලාව අසළයි.
මෙම වැඩසටහනට එක්වන ජනතාවට හිරු ජංගම මැදිරිය නරඹා සජීවීව වැඩසටහන් සමඟ සම්බන්ධවීමටද අවස්ථාව සැලසීම විශේෂත්වයක්.
එසේම ත්‍යාග රැසක් ඔවුන් වෙත බෙදාදීමටයි හිරු එෆ්.එම්. කටයුතු යොදා ඇත්තේ.
