එක්සත් ජාතික පක්ෂයේ ප්‍රධාන තනතුරු සඳහා සාමාජිකයන් නම්කර තිබෙනවා.
ඒ අනුව පක්ෂයේ මහලේකම් ධුරයට අමාත්‍ය අකිල විරාජ් කාරියවසම් පත් කෙරුනා.
සභාපති ධුරයට පත්කර ඇත්තේ අමාත්‍ය කබීර් හෂිම්.
ජාතික සංවිධායක ධුරයට නවීන් දිසානායක පත්කර තිබෙනවා.
එමෙන්ම එක්සත් ජාතික පක්ෂයේ නියෝජ්‍ය නායක ලෙසට අමාත්‍ය සජිත් ප්‍රේමදාස පත්කර ඇති අතර උප නායක ධුරයට පත්කෙරුනේ රවි කරුණානායකයි.
භාණ්ඩාගාරික තනතුරුට හර්ෂ ද සිල්වා පත්කර තිබෙනවා.
අනෙක් තනතුරු පිළිබඳ හෙට පක්ෂ කෘත්‍යාධිකාරී මණ්ඩලයේදී ප්‍රකාශයට පත්කෙරෙනු ඇති.
තනතුරු සම්බන්ධයෙන් තීරණයක් ගැනීමට පක්ෂයේ ප්‍රතිසංවිධාන සඳහා පත් කළ දේශපාලන මණ්ඩලය අද පස්වරුවේ අරලියගහ මන්දිරයේදී රැස්වුනා.
එහිදීයි මෙම තනතුරු සඳහා පත්කිරීම් සිදුකර ඇත්තේ.
එමෙන්ම අද පත් කළ තනතුරු සඳහා අනුමැතිය ලබාගැනීම වෙනුවෙන් ඒවා හෙට පක්ෂ කෘත්‍යාධිකාරී මණ්ඩලයට ඉදිරිපත් කිරීමට නියමිතයි.
