රුහුණු කතරගම මහා දේවාලයේ බස්නායක නිලමේ ධුරයෙන් තමන් ඉවත් කළ බව තමන්ට ලිඛිතව දැනුම් දී නොමැති බව කතරගම මහා දේවාලයේ බස්නායක නිලමේ ඩී .පී. කුමාරගේ පවසනවා.
ඔහු මේ බව පැවසුවේ අද (10) සවස මාධ්‍ය හමුවකට එක්වෙමින්.
කෙසේ නමුත් රුහුණු – කතරගම මහා දේවාලයේ බස්නායක නිලමේ වන ඩී .පී. කුමාරගේ තාවකාලිකව එම තනතුරෙන් ඉවත් කිරීමට බුද්ධ ශාසන අමාත්‍ය ගාමිණී ජයවික්‍රම පෙරේරා අද (10) පියවර ගෙන තිබුණා.
බස්නායක නිලමේවරයාට ඉදිරිපත් වී තිබූ පැමිණිලි සහ විවිධ හේතු කාරණා මුල් කර ගනිමින් ඔහු තාවකාලිකව එම තනතුරෙන් ඉවත් කිරීමට කටයුතු කළ බවයි අමාත්‍යවරයා වැඩිදුරටත් කියා සිටියේ.
