ගල්නෑව – තඹුත්තේගම මාර්ගයේ තිස්පනේපුර ප්‍රදේශයේදී සිදුවූ ත්‍රී රෝද රථ අනතුරකින් 4 දෙනෙකු මියගොස් තිබෙනවා.
ත්‍රී රෝද රථයක් සහ කුඩා ලොරි රථයක් ගැටීමෙනුයි අනතුර සිදුවී ඇත්තේ.
මියගොස් ඇති හතරදෙනා අතර බොරලූගොඩ ප්‍රදේශයේ පදිංචි අවුරුදු 7 ක් වයසැති කුඩා පිරිමි දරුවෙක් ද වන බව සඳහන්.
මේ අතර ත්‍රී රෝද රථයක් දුම්රියක ගැටී සිදුවූ අනතුරකින් කාන්තාවන් දෙදෙනෙකු මියගොස් තිබෙනවා.
මීගමුව සිට කොළඹ බලා ධාවනය වූ දුම්රියක මෙම ත්‍රී රෝද රථය ගැටී ඇත්තේ සීදුව ඊරියගහළිඳ දුම්රිය හරස් මාර්ගයේදීයි.
ඊයේ රාත්‍රී 7.35 ට පමණ සිදුවු අනතුරින් ත්‍රී රෝද රථයේ ගමන් කළ පිරිමි පුද්ගලයන් දෙදෙනෙකු ද බරපතල තුවාල ලබා තිබෙනවා.
අනතුරින් තුවාල ලැබු පිරිස මීගමුව රෝහලට ඇතුලත් කිරීමෙන් පසුවයි කාන්තාවන් දෙදෙනා මියගොස් ඇත්තේ.
මෘත ශරීර මීගමුව රෝහලේ තැන්පත් කර ඇති අතර පශ්චාත් මරණ පරීක්ෂණය අද පැවැත්වීමට නියමිතයි.
තුවාලකරුවන් දෙදෙනා වැඩිදුර ප්‍රතිකාර සඳහා කොළඹ ජාතික රා්හලට මාරුකර යවා තිබෙනවා.
