මරදාන ශාන්ත ජෝශප් සහ බම්බලපිටිය ශාන්ත පීතර විදුහල් අතර 84 වන ශාන්තුවරයින්ගේ සටන අද (02 )කොළඹ පී.සරා ඕවල් ක්‍රීඩාංගනයේදී ආරම්භ වුණා.
තරඟයේ කාසියේ වාසිය දිනා ගත් ශාන්ත පීතර විද්‍යාලයීය කණ්ඩායම පළමුවෙන් පන්දුවෙන් පහරදීමට ජෝශප් විද්‍යාලයීය කණ්ඩායමට ආරාධනා කළ අතර,
ඔවුන් පන්දු වාර 53යි පන්දු 2ක් තුළ සියලු දෙනා දැවී රැස් කළ ලකුණු සංඛ්‍යාව 195ක්.
අද දිනය නිමා වන විට ශාන්ත පීතර කණ්ඩායම පළමු ඉනිම වෙනුවෙන් පන්දු වාර 49කදී කඩුලු 6ක් දැවී ලකුණු 190ක් ලබා සිටියා.
මෙම තරඟයේ පළමු ඉනිම පන්දු වාර 60කට සීමා කර තිබීම ද විශේෂත්වයක්.
