අවිස්සාවේල්ල, තල්දූව ප්‍රදේශයේ පිහිටි තෙමහල් ගොඩනැගිල්ලක අද (07) උදෑසන ගින්නක් හටගෙන තිබෙනවා.
ගොඩනැගිල්ලේ දෙවන මහලේ පිහිටි විදුලි උපකරණ සහ ගෘහ භාණ්ඩ අලෙවිසැලක මෙම ගින්න හටගෙන ඇති බවයි අප වාර්තාකරු පැවසුවේ.
අනතුරුව එය සෙසු මහල්වලට ද පැතිරගොස් ඇති අතර අවිස්සවේල්ල කර්මාන්තපුර, සීතාවකපුර නගරසභාවේ සහ දෙහිඕවිට ප්‍රාදේශීය සභාවේ ගිණි නිවීමේ රථ යොදාගෙන ගින්න මැඬ පැවැත්වීමට කටයුතුකර ඇති බවයි වාර්තා වන්නේ.
ගින්න හේතුවෙන් අවිස්සාවේල්ල – කෑගල්ල මාර්ගයේ රථවාහන ගමනාගමන කටයුතු පැයක පමණ කාලයක් ඇණහිට තිබූ බවයි අප වාර්තාකරු වැඩිදුරටත් සඳහන් කළේ.
rn
