අන්තර් පළාත් සුපිරි එක්දින ක්‍රිකට් තරඟාවලියේ අද පැවති නුවර කණ්ඩායම සමඟ තරඟය ලසිත් මාලිංගගේ සුපිරි පන්දු යැවීම හේතුවෙන් ලකුණු 156කින් ජය ගන්නට ගාල්ල කණ්ඩායම සමත් වුණා.
මේ තරඟයේ පළමුව පන්දුවට පහර දුන් ගාල්ල කණ්ඩායම පන්දුවාර 50 අවසානයේ සියල්ලන් දැවී ලකුණු 255ක් රැස් කළා.
කුසල් මෙන්ඩිස් ලකුණු 65යි.
සඳුන් වීරක්කොඩි ලකුණු 56යි. පන්දු යැවීමේදී, කසුන් රාජිත සහ ජෙෆ්රි වැන්ඩසේ කඩුළු 3 බැගින් දවාගත්තා.
පිළිතුරු ඉනිම ක්‍රීඩා කළ මහනුවර කණ්ඩායමට පන්දුවාර 18යි පන්දු 5කදී සියල්ලන් දැවී ලබාගැනීමට හැකි වුණේ ලකුණු 99ක් පමණයි.
ලසිත් මාලිංග සුපිරි පන්දු යැවීමක නිරත වෙමින් පන්දුවාර 9යි පන්දු 5කදී ලකුණු 49කට කඩුළු 7ක් දවාගත්තා.
මේ අතර IPL තරගයෙන් අනතුරුව අද අලුයම යලි දිවයිනට පැමිණි ලසිත් මාලිංග මෙම තරගයට එක්වුණා.
තරඟයෙන් අනතුරුව අදහස් දැක්වූ මාලිංග.
