බිංගිරිය, වීරපොකුණ, කඩිගාව මාර්ගයේ කිනියම වැව අසලදී යතුරුපැදි දෙකක් එකිනෙක ගැටීමෙන් අනතුරක් සිදුව තිබෙනවා.
ඊයේ (15) පස්වරුවේ සිදුවූ මෙම අනතුරෙන් එක් අයෙක් මියගොස් තවත් දෙදෙනෙකු තුවාල ලබා ඇති බවයි බිංගිරිය පොලිසිය සඳහන් කළේ.
අධික වේගයෙන් පැමිණි යතුරුපැදි දෙකක් මුහුණට මුහුණ ගැටීමෙන් මෙම අනතුර සිදුව ඇති අතර අනතුරෙන් ජීවිතක්ෂයට පත්ව ඇත්තේ වීරපොකුණ ප්‍රදේශයේ පදිංචි 17 හැවිරිදි තරුණයෙක්.
අනතුරෙන් තුවාල ලැබූ අනෙක් පුද්ගලයන් දෙදෙනා මේ වන විට හලාවත රෝහලේ ප්‍රතිකාර ලබන බවයි පොලිසිය වැඩිදුරටත් පැවසුවේ.
