හෙරොයින් කිලෝග්‍රෑම් 16 ඇතුළු මත්ද්‍රව්‍ය කිලෝ 21 ක් සමඟ ජා-ඇල – දකුණු නිවන්දම ප්‍රදේශයේදී පොලිස් විශේෂ කාර්ය බලකාය අත්අඩංගුවට ගත් සැකකරුවන් දෙදෙනා දින 7ක් රදවාගෙන ප්‍රශ්න කිරීමට වත්තල මහේස්ත්‍රාත් අධිකරණයෙන් අවසර ලබා ගැනීමට අපේක්ෂා කරන බව පොලීසිය පවසනවා.
පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර සංවිධානාත්මක අපරාධ කොට්ඨාශයේ අද පැවැති මාධ්‍ය හමුවකට එක්වෙමින් කියා සිටියේ සැකකරුවන් සතුව තිබී රිවෝල්වර 4 ක්, ජංගම දුරකථන 12ක් ද සොයා ගත් බවයි.
