හැටන් පුද්ගලික බස් නැවතුම්පොළ අසල වළක් කැපීමේදී රිවෝල්වරයක් හමුවී තිබෙනවා.
බස් නැවතුම්පොළ ආසන්නයේ නව වැසිකිළියක් ඉදිකිරීම සඳහා හැටන්, දික්ඔය නගර සභා සේවකයින් විසින් වළක් කපමින් සිටින අවස්ථාවේ පස් තුල තිබී මෙම රිවෝල්වරය අමුවී ඇති බවයි හැටන් පොලිසිය පැවසුවේ.
නගර සභා සේවකයින් කළ දැනුම් දීමකට අනුව පොලිසිය විසින් රිවෝල්වරය සිය භාරයට ගෙන ඇති බවයි අප වාර්තාකරු පැවසුවේ.
පස් යට තිබී හමුවූ මෙම රිවෝල්වරය දිරාපත්වී තිබූ අතර රිවෝල්වරය සම්බන්ධයෙන් හැටන් මහේස්ත්‍රාත් අධිකරණයට හමුවට කරුණු ඉදිරිපත් කිරීමට නියමිත බවයි හැටන් පොලිසිය වැඩිදුරටත් සඳහන් කළේ.
ඡායාරූප – හැටන්, රංජිත් රාජපක්ෂ
