දකුණු අප්‍රිකාවට එරෙහිව අද පැවැත්වෙන හතරවන එක්දින තරගය සඳහා ශ්‍රී ලංකා කණ්ඩායමට උපුල් තරංග ක්‍රීඩා කිරීමට නියමිත බව ක්‍රිකට් ආරංචි මාර්ග පවසනවා.
කෙසේ වෙතත් ඒ සම්බන්ධයෙන් අවසන් තීරණය අද උදෑසන ගන්නා බවයි වාර්තාවන්නේ.
එසේ වුවහොත් නිරෝෂන් දික්වැල් කණ්ඩායමෙන් ඉවත් කෙරෙන අතර, කඩුලු රකින්නා ලෙස කුසල් මෙන්ඩිස් කටයුතු කිරීමට නියමිතයි.
දකුණු අප්‍රිකාව සහ ශ්‍රී ලංකාව අතර හතරවන එක්දින තරගය පෝට් එලිසබෙත් හිදී අද පැවැත්වෙනවා.
දිවා – රාත්‍රි තරගයක් වන මෙය ශ්‍රී ලංකා වේලාවෙන් පස්වරු 4.30 ට ආරම්භ වීමට නියමිතයි.
මේ වනවිටත් දකුණු අප්‍රිකාව පළමු තරග 3ම ජය ගනිමින් තරඟ 5කින් සමන්විත එක්දින තරගාවලිය 3ට බින්දුවක් ලෙස ජයගෙන තිබෙනවා.
