කුරුණෑගල – දඹුල්ල ප්‍රධාන මාර්ගයේ බඩගමුව ප්‍රදේශයේ ලැඟුම්හලක දී 16 හැවිරිදි බාල වයස්කාර දැරියක් සහ 38 හැවිරිදි පුද්ගලයෙකු අත්අඩංගුවට ගෙන තිබෙනවා.
මොවුන් දෙදෙනා සමඟ ලැඟුම්හලේ කළමණාකරු ලෙස කටයුතුකරමින් සිටි 17 හැවිරිදි තරුණයෙකු ද අත්අඩංගුවට ගෙන ඇති බවයි තොරතුරු වාර්තා වන්නේ.
කුරුණෑගල නීතිය බලගැන්වීමේ ඒකකය විසින් පසුගිය 09 වනදා සිදුකළ වැටලීමකදී මෙම අත්අඩංගුවට ගැනීම් සිදුකර තිබෙනවා.
වැටලීම සිදුකරන අවස්ථාවේ ලැඟුම්හලේ හිමිකරු පලාගොස් ඇතිබව සඳහන්.
අත්අඩංගුවට ගැනුණු බාල වයස්කාර දැරිය කැකිරාව ප්‍රදේශයේ පදිංචිකාරිනියක් වන අතර අත්අඩංගුවට ගනු ලැබූ 38 හැවිරිදි පුද්ගලයා කුරුණෑගල ප්‍රදේශයේ පදිංචිකරුවෙක්.
අදාල බාල වයස්කාර දැරිය මීට පෙර අවස්ථා කිහිපයකදී පුද්ගලයින් සමඟ මෙම ලැඟුම්හල වෙත පැමිණ ඇති බවට තොරතුරු අනාවරණය වූ බවයි කුරුණෑගල නීතිය බලගැන්වීමේ ඒකකයේ නිලධාරියෙකු සඳහන් කළේ.
අත්අඩංගුවට ගැනුණු පුද්ගලයින් අධිකරණය හමුවට ඉදිරිපත් කර තිබෙනවා.
