ආණ්ඩුව ඉදිරිපත් කළ අය වැය ඉදිරි දින කිහිපය තුළදී ජනතාවට හොදින් දැනෙනු ඇති බව විපක්ෂ නායක මහින්ද රාජපක්ෂ මහතා පවසනවා.
ඔහු මේ අදහස් පළ කළේ හෝමාගම – පනාගොඩ ප්‍රදේශයේ පැවති විවෘත කිරීමේ උත්සවයකට එක්වෙමින්.
හෝමාගම – පනාගොඩ කන්දේ පුරාණ විහාරස්ථානයේ අභිනවයෙන් ඉදිකළ 18 රියන් බුද්ධ ප්‍රතිමා වහන්සේ නිරාවරණය කිරීමේ පුණ්‍ය උත්සවය අද පස්වරුවේ පැවැත්වුණේ විපක්ෂ නායක මහින්ද රාජපක්ෂ මහතාගේ ප්‍රධානත්වයෙන්.
මේ අතර, විපක්ෂ නායක මහින්ද රාජපක්ෂ මහතා සහ රජයේ වෛද්‍ය නිලධාරීන්ගේ සංගමයේ සාමාජිකයින් අතර හමුවක් පාර්ලිමේන්තුවේ විපක්ෂ නායක කාර්යාලයේදී අද පැවැත්වුණා.
