අභ්‍යන්තර හා ස්වදේශ කටයුතු සහ පළාත් සභා හා පලාත් පාලන අමාත්‍ය වජිර අබේවර්ධනට අයත් ඩිෆෙන්ඩර් රථයක් ත්‍රිරෝද රථයක් සමඟ ගැටීමෙන් දෙදෙනෙකු තුවාල ලබා තිබෙනවා.
අක්මීමන පොලීසිය සඳහන් කළේ ගාල්ල – අක්මීමන – ගොනාමුල්ල ප්‍රදේශයේදී අද පෙරවරුවේ සිදුවූ මෙම අනතුරෙන් තුවාල ලබා ඇත්තේ ත්‍රිරෝද රථයේ ගමන් කළ කාන්තාවක් සහ පිරිමි පුද්ගලයෙක් බවයි.
ගාල්ල – උඩුගම මාර්ගයේ ධාවනය වූ ඩිෆෙන්ඩර් රථය ගොනාමුල්ල හන්දියෙන් අතුරු මාර්ගයකට හැරවීමට යාමේදී මෙම අනතුර සිදුව තිබෙනවා.
අනතුරින් තුවාල ලැබූ දෙදෙනා ඇතුලත් කර ඇත්තේ ගාල්ල කරාපිටිය රෝහලටයි.
