ශිල්ප දැනුම පදනම් කරගත් ආර්ථිකයක් ඉදිරි වසර කිහිපයේදී බිහිකිරීමට බලාපොරොත්තුවන බව අග්‍රාමාත්‍ය රනිල් වික්‍රමසිංහ මහතා පවසනවා.
අග්‍රාමාත්‍යවරයා මේ බව සඳහන් කළේ ඊයේ අරණායක පැවති උත්සවයකට එක්වෙමින්.
අරණායක උස්සාපිටිය ශ්‍රී සුමංගල කනිෂ්ඨ විද්‍යාලයට පැමිණි අග්‍රාමාත්‍ය රනිල් වික්‍රමසිංහ මහතා විද්‍යාලයේ නව තෙමහල් පංති කාමර ගොඩනැගිල්ල, පරිපාලන ඒකකය, විදුහල්පති නිල නිවාසය විවෘත කිරීමට එක්වුණා.
අනතුරුව උස්සාපිටිය, රිවිසඳ මහා විද්‍යාලයේ නව දෙමහල් පරිපාලන ගොඩනැගිල්ල විවෘත කළ අග්‍රාමාත්‍යවරයා රිවිසඳ විද්‍යාල ක්‍රීඩාංගනයේ පැවති උත්සවයට එක්වුණා.
