රත්නපුර – මීහිටිය ප්‍රදේශයේදී අද සිදුවු රිය අනතුරකින් පුද්ගලයෙකු ජීවිතක්ෂයට පත්ව තිබෙනවා.
අනතුරෙන් තුවාල ලැබූ තවත් දෙදෙනෙකු මේ වනවිට රත්නපුර රෝහලේ ප්‍රතිකාර ලබන අතර, ඔවුන්ගේ තත්ත්වය බරපතල බවයි පොලිසිය සඳහන් කළේ.
වලස්මුල්ල ප්‍රදේශයේ සිට ශ්‍රීපාදය දක්වා ගමන් කරමින් සිටි වන්දනා නඩයක් රැගත් බස් රථයක් සහ යතුරුපැදියක් මුහුණට මුහුණ ගැටීමෙනුයි අනතුර සිදුව ඇත්තේ.
අනතුරින් ජීවිතක්ෂයට පත්ව ඇත්තේ යතුරුපැදියේ ගමන්ගත් රත්නපුර – මීහිටිය ප්‍රදේශයේම පදිංචි 22 හැවිරිදි තරුණයෙක්.
බස් රථයේ රියදුරා මේ වනවිට පොලිසිය අත්අඩංගුවට ගෙන තිබෙනවා.
