අධික වේගයෙන් ධාවනය වු ත්‍රිරෝද රථයක් ටිපර් රථයක ගැටීමෙන් ත්‍රිරෝද රථයේ ගමන් ගත් රියදුරා සහ තවත් එක් අයෙක් එම ස්ථානයේදිම ජිවිතක්ෂයට පත්ව ඇති බව නාවලපිටිය පොලිසිය පවසනවා.
මෙම අනතුරෙන් මිය ගොස් ඇත්තේ ගිනිගත්හේන නාවලපිටිය ප්‍රදේශයේ පදිංචි අයෙකු සහ නව කුරුදුවත්ත කරගල ප්‍රදේශයේ පදිංචි අයෙකු බවයි වාර්තා වන්නේ.
අද (19) අලුයම 2.30 ට පමණ මෙම අනතුර සිදු ව ඇත්තේ නාවලපිටිය ගම්පොල ප්‍රධාන මාර්ගයේ නාවලපිටිය පත්තුනු පිටිය වරකාව දෙවන රේල් ගේට්ටුව අසලදියි.
ගම්පොල සිට ගිනිගත්හේන දක්වා අධික වේගයෙන් ධාවනය වි ඇති ත්‍රිරෝද රථය නාවලපිටිය සිට ගම්පොල දක්වා ප්‍රතිවිරුධ දිශාවෙන් ධාවනය වු ටිපර් රථයේ ගැටී මෙම අනතුර සිදුව තිබෙනවා.
ත්‍රිරෝද රථයේ වේගය පාලනය කර ගත නොහැකිව ප්‍රතිවිරුද්ධ දිශාවෙන් ඉදිරියට ධාවනය වෙමින් තිබූ ටිපර් රථයේ ගැටී මෙම අනතුර සිදු ව ඇති බවයි අනතුර පිලිබදව පරික්ෂණ පවත්වන නාවලපිටිය පොලිසිය පැවසුවේ.
ත්‍රිරෝද රථය අනතුරට පත් විමත් සමග ත්‍රිරෝද රථය තුළ ජිවිතක්ෂයට පත් වි සිටි රියදුරා සහ තවත් එක් අයෙකුගේ සිරුරු එම මාර්ගයේ ගමන් ගත් වැන් රථයක සිටි පිරිසක් සහ නාවලපිටිය පොලිසියේ නිලධාරින් එක්ව ඉවතට ගෙන නාවලපිටිය මුලික රෝහල වෙත ගෙන ගොස් තිබෙනවා.
නාවලපිටිය පොලිසිය විසින් ටිපර් රථයේ රියදුරා සැකපිට අත්අඩංගුවට ගෙන ඇතිබවයි අප වාර්තාකරු වැඩිදුරටත් ප්‍රකාශ කළේ.
rn
