බංග්ලාදේශ කණ්ඩායමේ එළඹෙන නවසීලන්ත තරඟ සංචාරය සඳහා ෂාෆිඋල් ඉස්ලාම් බංග්ලාදේශ සංචිතයට කැඳවා තිබෙනවා.
ඒ බංග්ලාදේශ සංචිතය සඳහා නම්කර සිටි වේග පන්දු යවන ක්‍රීඩක ටස්කිං අහමඩ් අබාධයකට ලක්වීම හේතුවෙන්.
බංග්ලාදේශ ප්‍රිමිය ලීග් තරඟාවලියේ සිලෙත් සික්සස් සහ චිතගොං වයිකින්ග්ස් කණ්ඩායම් අතර පසුගියදා පැවති තරඟයකදී ටස්කිං අහමඩ් අබාධයකට ලක්වුණා.
බංග්ලාදේශ ප්‍රිමිය ලීග් තරඟාවලියේ දී දැක්වූ දක්ෂතා හේතුවෙනුයි ෂාෆිඋල් ඉස්ලාම් බංග්ලාදේශ සංචිතයට කැඳවා ඇත්තේ.
ෂාෆිඋල් ඉස්ලාම් මෙලෙස බංග්ලාදේශ සංචිතයක් සඳහා කැඳවා ඇත්තේ 2017 වසරෙන් පසුවයි.
බංග්ලාදේශය සහ නවසීලන්තය අතර තරඟාවලිය ලබන 13 වනදා ආරම්භ වීමට නියමිතයි.
මෙම තරඟාවලියට ටෙස්ට් තරඟ 03ක් සහ එක්දින තරඟ 03ක් ඇතුළත්.
