ප්‍රංශ ජාතික ව්‍යාපාරිකයෙකුට අයත් කොළඹ – කුරුඳුවත්ත ප්‍රදේශයේ පිහිටි නිවසක තිබී රුපියල් ලක්ෂ විස්සක් වටිනා විදේශීය මත්පැන් බෝතල් 200 ක් සොයාගෙන තිබෙනවා.
කොළඹ නගරයේ සුරාබදු ස්ථානාධිපති චානක නානායක්කාර හිරු ප්‍රවෘත්ති අංශයට සඳහන් කළේ වැටලීම සිදුකරන අවස්ථාවේ මෙම ප්‍රංශ ජාතිකයාගෙන් බාධා එල්ලවූ බවයි.
ඒ අනුව සැකකරුද අත්අඩංගුවට ගෙන ඇති අතර, ප්‍රභූන්ට පමණක් මත්පැන් ලබාදෙන ස්ථානයක් ලෙස එය පවත්වාගෙන ගොස් ඇති බවට ද තොරතුරු හෙලිව තිබෙනවා.
