ජා ඇල ප්‍රදේශයේ මහා විද්‍යාල පරිශ්‍රයක් තුළ ළමුන් සූදුවට යොමු කරන කාන්තාවක් සම්බන්ධයෙන් හිරු සී.අයි.ඒ. ඊයේ කළ අනාවරණයෙන් පසු අදාළ කාන්තාව හා එම පාසලේ ආරක්ෂක නිලධාරිනිය ජා ඇල පොලිසිය මගින් අත්අඩංගුවට ගෙන තිබෙනවා.
අත්අඩංගුවට ගත් සැකකාරිණියන් මීගමුව මහේස්ත්‍රාත් අධිකරණයට ඉදිරිපත් කිරීමෙන් පසු පෙබරවාරි 12 වැනිදා රක්ෂිත බන්ධනාගාර ගත කළා.
ජා ඇල ප්‍රදේශයේ මිශ්‍ර පාසලක සති අන්තයේදී විවිධ ක්‍රීඩා ඇතුළු පාසලේ විෂය බාහිර ක්‍රියාකාරකම් සඳහා පැමිණෙන තරුණ වයසේ පසුවන දරුවන් සම්බන්ධ කරගනිමින් පිටස්තර කාන්තාවක් පාසල් භූමිය තුළ සූදු ව්‍යාපාරයේ නිරතවන ආකාරය අප ඊයේ හෙළි කළා.
