දඹුල්ල කුරුණෑගල මාර්ගයේ දී ලොරි රථයක් ලංගම බස් රථයක ගැටීමෙන් සිදුවූ අනතුරකින් බස් රථයේ ගමන් කල මඟින් 05 දෙනෙකු තුවාල ලබා ගලේවෙල මුලික රෝහලට ඇතුලත් කර තිබෙනවා.
අද(26) උදෑසන 6ට පමණ මෙම අනතුව සිදුව ඇති බවයි අප වාර්තාකරු සදහන් කළේ.
කොළඹ සිට කාන්තන්කුඩි බලා ධාවනය වූ භාණ්ඩ ප්‍රවාහන ලොරි රථයක් සහ දඹුල්ල ඩිපෝවට අයත් බස් රථයක් මෙලෙස අනතුර ලක්ව තිබෙනවා.
ලොරි රථයේ අධික වේගය පාලනය කරගැනීමට නොහැකි වීම අනතුරට හේතුව බවයි පොලිසිය කියා සිටියේ.
අනතුර සම්බන්ධයෙන් ලොරි රථයේ රියදුරු අත්අඩංගුවට ගෙන ඇති අතර ගලේවෙල පොලිසිය වැඩිදුර විමර්ශන සිදුකරනවා.
