ගාල්ල, උඩුගම, බටපොල ප්‍රදේශයේදී ත්‍රිරෝද රථයක් ලොරි රථයක ගැටීමෙන් ඊයේ (19) සිදු වූ අනතුරකින් වයස අවුරුදු 28 එක්දරු මවක් මියගොස් තිබෙනවා.
ගාල්ල ප්‍රදේශයේ ඥාති නිවසක සිට නැවත නිවස බලා යමින් සිටි අවස්ථාවේදීයි ඔවුන් මෙම අනතුරට මුහුණ පා ඇත්තේ.
අනතුර සිදුවන අවස්ථාවේ ත්‍රිරෝද රථයේ සැමියා බිරිද සහ වයස අවුරුදු 3ක් වන ඔවුන්ගේ දියණියද සිට ඇති බව සඳහන්.
ත්‍රිරෝද රථය මාර්ගය අසල නවතා තිබු ලොරි රථයක පිටුපස ගැටී තිබෙන අතර එහිදී ත්‍රිරෝද රථයේ ගමන් ගත් තිදෙනාම තුවාල ලබා කරාපිටිය ශික්ෂණ රෝහල වෙත ඇතුලත් කර ඇති බවයි වාර්තා වන්නේ.
තුවාල ලැබූ කාන්තාව රෝහලට ඇතුලත් කිරීමෙන් අනතුරව මිය ගොස් තිබෙනවා.
මියගිය කාන්තාවගේ මරණ පරීක්ෂණ අද (20) කරාපිටිය ශික්ෂණ රෝහලේ දී සිදු කිරීමට නියමිතව තිබුණා.
