පුත්තලම – වනාතවිල්ලූව – ලැක්ටෝවත්ත ප්‍රදේශයේ ගොවිපලක තිබී සොයාගත් පුපුරණ ද්‍රව්‍ය තොගය සම්බන්ධයෙන් පුද්ගලයන් 04 දෙනෙකු අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබෙනවා.
ඔවුන්ට ලද තොරතුරක් මත සිදුකළ වැටලීමකදී පුපුරණ ද්‍රව්‍ය කිලෝ ග්‍රෑම් 100 කට ආසන්න ප්‍රමාණයක් සහ ඩෙටනේටර් 100 ක් සොයාගනු ලැබුවා.
පුපුරණ ද්‍රව්‍ය තොගයේ වර්ගය මෙතෙක් හඳුනාගෙන නැහැ. පුපුරණ ද්‍රව්‍යවලට අමතරව ඩිජිටල් කැමරාවක් ඇතුළු තවත් උපකරණ කිහිපයක්ද සොයාගෙන තිබෙනවා.
මෙම පුපුරණ ද්‍රව්‍ය කෙසේ ලැබුනේද යන්න පිළිබඳව සහ එහි ගබඩා කර තිබුණේ කිනම් හේතුවක් මතද යන්න පරීක්ෂණ ආරම්භ කර ඇති බවයි අපරාධ පරීක්ෂණ දෙපාර්තමේන්තුවේ උසස් නිලධාරියෙකු හිරු ප්‍රවෘත්ති අංශයට සඳහන් කළේ.
