පුත්තලම වනාතවිල්ලූව කැලෑබද ප්‍රදේශයක පවත්වාගෙන ගිය ගොවිපලක තිබී අධිබලැති පුපුරණ ද්‍රව්‍ය තොගයක් අපරාධ පරීක්ෂණ දෙපාර්තමේන්තුව විසින් සොයාගෙන තිබෙනවා.
දැනට අත්අඩංගුවට ගෙන සිටින සැකකරුවෙකු සම්බන්ධයෙන් සිදුකළ විමර්ශණයකදී මෙම පුපුරණ ද්‍රව්‍ය සොයාගෙන ඇති බවයි එම දෙපාර්තමේන්තුව සඳහන් කළේ.
අධිබලැති පුපුරණ ද්‍රව්‍ය, ඩෙටනේටර් ඇතුළු පුපුරණ ද්‍රව්‍ය මෙන්ම ඩිජිටල් කැමරාවක් ඇතුළු උපකරණ කිහිපයක්ද ඒ අතර තිබූ බව අපරාධ පරීක්ෂණ දෙපාර්තමේන්තුවේ උසස් නිලධාරියෙකු හිරු ප්‍රවෘත්ති අංශයට කියා සිටියා.
