ආගරපතන පොලිස් වසමට අයත් ආගරපතන කදුවැටියේ ගින්නක් හට ගෙන ඇති බව ආගරපතන පොලිසිය පවසනවා.
අද (06) දහවල් 12.30 ට පමණ හට ගත් මෙම ගින්න කදුමුදුණ දක්වා පැතිර යමින් පවතින බවයි අප වාර්තාකරු ප්‍රකාශ කරේ.
ආගරපතන පොලිස් වසමට අයත් සෙන් මාර්කට් වත්තට ඉහලින් කදු මුදුණේ බටහිර බැවුමේ මෙම ගින්න හටගෙන ඇති බවයි පොලිසිය සඳහන් කළේ.
ඉලුක් සහිත මෙම රක්ෂිතයේ පවතින දැඩි සුලගත් සමග ගින්න සිඝ්‍රයෙන් පැතිර යමින් පවතින අතර ගින්න මැඩ පැවැත්විමට කටයුතු කරන බවයි ආගරපතන පොලිසිය ප්‍රකාශ කළේ.
මධ්‍යම කදුකරයේ මේ දිනවල පවතින දැඩි වියලි කාලගුණයත් සමග කිසියම් පිරිසක් විසින් ප්‍රධාන රක්ෂිතවලට ගිනි තැබිම සිදු කරනු ලබනවා.
මෙසේ රක්ෂිතවලට ගිනි තබන අය පිලිබද තොරතුරු ළගම ඇති පොලිස් ස්ථානය වෙත ලබාදෙන ලෙස හැටන් පොලිසිය ඉල්ලා සිටිනවා.
