ශ්‍රමික ජනගහනය අඩුවීමේ අර්බුදයකට මුහුණ දෙන ජපානය වැඩි වශයෙන් විදේශ ශ්‍රමිකයන් තම රටට ගෙන්වා ගැනීම සඳහා නීති රීති ලිහිල් කිරීමට පියවර ගෙන තිබෙනවා.
ජපාන පාර්ලිමේන්තුව අද, ඒ සඳහා වන පනත් කෙටුම්පතකට අනුමැතිය ලබාදුන්නා.
ඒ අනුව කාණ්ඩ දෙකක් යටතේ විදේශ ශ්‍රමිකයන් සඳහා වීසා බලපත් නිකුත් කෙරෙනු ඇති.
පළමු කාණ්ඩය යටතේ ඉදිකිරීම්, කෘෂිකර්ම සහ හෙද සේවාවන් සඳහා විදෙස් ශ්‍රමිකයන් ජපානයට ඇතුළත් කර ගැනීමට සැලසුම් කර තිබෙනවා.
ඒ අනුව අවම වශයෙන් විදෙස් ශ්‍රමිකයන් තුන් ලක්ෂයකට අවස්ථාව හිමි වන බව සඳහන්.
කුසලතා සහිත විදේශිකයන්ට දෙවන කාණ්ඩය යටතේ වීසා බලපත් නිකුත් කෙරෙන අතර ඔවුන්ට පදිංචිය සඳහා ද ඉල්ලූම් කළ හැකි වනු ඇති.
