බටහිර ඉන්දීය කොදෙව් දිවයින් හිදී පැවති විස්සයි විස්ස කාන්තා ලෝක කුසලාන කාන්තා තරගාවලියේ ශූරතාව හිමිිකරගැනීමට ඕස්ට්‍රේලියානු කාන්තා ක්‍රිකට් පිල සමත්වුණා.
ඒ, එංගලන්ත කාන්තා පිල කඩුලූ 8 කින් පරාජයට පත් කරමින්.
ඇන්ටිගුවා හි පැවති මෙම තරගයේ එංගලන්ත පිල ලකුණු 105 කට සීමා කිරීමට ඕස්ටේලියානු ක්‍රීඩිකාවන් සමත්වී තිබෙනවා.
ඔවුන් පන්දු වාර 15 යි එක් පන්දුවකදී කඩුලූ 2 ක් දැවී ලකුණු 106 ක් ලබමින් තරගයේ ජය හිමිකරගත්තා.
මෙලෙස ඕස්ට්‍රේලියානු කාන්තා ක්‍රිකට් පිල විස්ස යි විස්ස ශූරතාව ජයග්‍රහණය කළේ හතරවන වතාවටයි.
මෙම තරගාවලියට සහභාගිවූ ශ්‍රී ලංකා කාන්තා ක්‍රිකට් පිල ඒ කාණ්ඩයේ මූලික වටයේ තරග 4 කින් ජයග්‍රහණය කළේ එක් තරගයක් පමණයි.
මූලික වටයේදී අපරාජිත වූ බටහිර ඉන්දීය කොදෙව් සහ ඉන්දීය කණ්ඩායම් අවසන් පූර්ව වටයේදී ඕස්ට්‍රේලියානු සහ එංගලන්ත කණ්ඩායම් අතින් පරාජය ලැබුවා.
