බේරුවල, ගල්හේන, කොටියාවත්ත ප්‍රදේශයේ සැරිසැරූ හඳුන් දිවියෙකු ප්‍රදේශවාසීන් විසින් එක්ව අද (24) අල්ලා ගැනීමට සමත්ව තිබෙනවා.
මෙම හඳුන් දිවියා එම ප්‍රදේශයේ පවත්වාගෙන යන කුකුළු ගොවිපලක ඇති කරන කුකුළන් ආහාරයට ගැනීමට හුරුවී සිට ඇති බවයි ප්‍රදේශවාසීන් පවසන්නේ.
අල්ලාගත් මෙම හඳුන් දිවියා අලුත්ගම, වැලිපිටිය විශේෂ කාර්ය බලකා කදවුරේ නිලධාරීන්ගේ මැදිහත්වීමෙන් කළුතර වනජීවී කාර්යාලයට භාරදීමට කටයුතු කළ බවයි අප වාර්තාකරු සඳහන් කළේ.
ඡායාරූප – අලුත්ගම, තුසිත කුමාර
