ශ්‍රී ලංකා කණ්ඩායම සමග පල්ලෙකැලේ ජාත්‍යන්තර ක්‍රිකට් ක්‍රීඩාංගනයේ පැවැත්වෙන දෙවන ටෙස්ට් තරගයේ එංගලන්ත දෙවන ඉනිම අද ආරම්භ වූ අතර, ඔවුන් මේ වනවිට ශ්‍රී ලංකා කණ්ඩායමට වඩා ලකුණු 46 ක් පිටුපසින් පසුවනවා.
ශ්‍රී ලංකා කණ්ඩායම සිය පළමු ඉනිම සදහා සියලූම ක්‍රීඩකයින් දැවී රැස් කළ ලකුණු සංඛ්‍යාව 336 ක්.
එහිදී රොෂේන් සිල්වා ලකුණු 85 ක් ද දිමුත් කරුණාරත්න 63 ක් ද, ධනංජය සිල්වා ලකුණු 55 ක් ද රැස් කළා.
එංගලන්තය පළමු ඉනිමේදී ලබා ගත් ලකුණු සංඛ්‍යාව 290 ක්.
