දිවුලපිටිය – මරදගහමුල – බඩල්ගම මාර්ගයේ හුණුමුල්ල මහා විද්‍යාලය අසළ සිදුවූ අනතුරකින් කාන්තාවක් ජීවිතක්ෂයට පත්ව තිබෙනවා.
පදික වේදිකාවේ ගමන් කරමින් සිටි 80 හැවිරිදි අදාළ කාන්තාව යතුරුපැදියක ගැටීමෙන් ඊයේ රාත්‍රියේ මෙම අනතුර සිදුව ඇති බවයි පොලීසිය සඳහන් කළේ.
එමෙන්ම දඹුල්ල – කුරුණෑගල ප්‍රධාන මාර්ගයේ කිලෝමීටර 73 කණුව අසළදී වෑන් රථයක්, යතුරුපැදියක් සහ මෝටර් රථයක් එකිනෙක ගැටීමෙන් තරුණයෙකු ජීිවිතක්ෂයට පත්වුණා.
ඊයේ පස්වරුවේ සිදුවූ මෙම අනතුරින් මියගොස් ඇත්තේ කළුගල – බඹරගස්වැව ප්‍රදේශයේ පදිංචිකරුවෙක්.
සිද්ධිය සම්බන්ධයෙන් වෑන් රථයේ සහ මෝටර් රථයේ රියදුරන් අත්අඩංගුවටගෙන ඇති අතර, මියගොස් ඇත්තේ යතුරුපැදියේ ගමන් ගත් අවුරුදු 23 හැවිරිදි තරුණයෙක්.
