අනුරාධපුර – කුරුණෑගල ප්‍රධාන මාර්ගයේ අඹගස්වැව ප්‍රදේශයේදී අද (24) උදෑසන සිදුවූ රිය අනතුරකින් දෙදෙනෙකු මිය ගොස් තවත් 4 දෙනෙකු තුවාල ලැබුවා.
බන්ධනාගාර බස් රථයක් සහ වෑන් රථයක් ගැටීමෙන් මෙම අනතුර සිදුව ඇති බවයි පොලීසිය සඳහන් කළේ.
තුවාල ලැබූවන් කුරුණෑගල මහරෝහලට ඇතුළත් කෙරුණු අතර, අනතුරෙන් මිය ගොස් ඇත්තේ එකම පවුලේ මව සහ පුත්‍රයායි.
මේ අතර, කැකිරාව – දඹුල්ල ප්‍රධාන මාර්ගයේ මඩාටුගම ප්‍රදේශයේදී වෑන් රථයක් සහ කුඩා ලොරි රථයක් ගැටී ඊයේ (23) රාත්‍රියේ සිදුවූ රිය අනතුරකින් දෙදෙනෙකු මිය ගොස් තවත් 12 දෙනෙකු තුවාල ලබා රෝහල් ගත කෙරුණා.
පොලීසිය සඳහන් කළේ ගල්කිරියාගම ප්‍රදේශයේ පදිංචිකරුවන් පිරිසක් මෙලෙස අනතුරට ලක්ව ඇති බවයි.
ඒ අතර, කුඩා ළමයින් දෙදෙනෙකු ද සිටින බව සඳහන්.
