ඇහැලියගොඩ පරකඩුව ප්‍රදේශයේදී පාසල් ළමුන් ප්‍රවාහනය කරමින් තිබු ත්‍රි රෝද රථයක් අඩි 15ක පමණ ප්‍රපාතයකට පෙරලි යාමෙන් පාසල් සිසුන් 06 දෙනෙකු තුවාල ලබා තිබෙනවා.
අද (22) උදෑසන මෙම අනතුර සිදුවූ බවයි පොලිසිය කියා සිටියේ.
අනතුරට ලක්වූ ත්‍රි රෝද රථය පදවා ඇත්තේ ඇහැලියගොඩ පරකඩුව ප්‍රදේශයේ පදිංචි කාන්තාවක් විසින්.
40 හැවිරිදි ඇය බරපතල තුවාල ලබා රත්නපුර මහ රෝහලට ඇතුලත් කර තිබෙනවා.
ත්‍රි රෝද රථයේ ගමන්කළ පාසල් සිසුන් දෙදෙනෙකුගේ තත්ත්වය බරපතල බවයි අප වාර්තාකරු කියා සිටියේ.
ඇහැලියගොඩ පොලිසිය අනතුර පිලිබඳ වැඩිදුර විමර්ශන සිදුකරනවා.
