ශ්‍රී ලංකා ක්‍රිකට් කණ්ඩායමේ ජේෂ්ඨ දඟ පන්දු යවන්නෙකු වන රංගන හේරත් සිය ක්‍රීඩා දිවියෙන් විශ්‍රාම ගැනීමට තීරණය කර තිබෙනවා.
ඒ සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර පැවැත්වෙන පළමු ටෙස්ට් තරඟාවලියෙන් අනතුරුවයි.
ටෙස්ට් තරඟ තුනකින් සමන්විත මෙම තරඟාවලිය ගාල්ල ක්‍රිකට් ක්‍රීඩාංගනයෙදී නොවැම්බර් 6 පැවැත්වෙනවා.
1978 වර්ෂයේ මාර්තු මස 19 දින කුරුණෑගල දී උපත ලද රංගන හේරත් ශ්‍රී ලංකාව වෙනුවෙන් ටෙස්ට් වරම් ලබාගත්තේ 1999 වර්ෂයේ සැප්තැම්බර් මස 22 දින ගාල්ල ජාත්‍යන්තර ක්‍රීඩාංගනයේදී ඕස්ට්‍රේලියා කණ්ඩායමට එරෙහිවයි.
ඔහු එක්දින වරම් දිනාගත්තේ 2004 වසරේ අප්‍රේල් මස 25 දින හරාරේ හීදී සිම්බාබ්වේ කණ්ඩායමට එරෙහිවයි.
