පැය එකහමාරක පමණ මෙහෙයුමකින් අනතුරුව කුඩා ළිඳකට වැටී සිටි වන අලියෙකු ගොඩට ගැනීමට වැලිකන්ද, කාලිංගවිල ප්‍රදේශවාසීන් කටයුතු කර තිබෙනවා.
මෙම සත්වයා අද (13) අලුයම් කාලයේ ළිඳට වැටී ඇති අතර සත්වයාගේ කෑගැසීමත් සමඟ ප්‍රදේශවාසීන් පැමිණ කළ සෝදිසි කිරීමකදී අවුරුදු 08ක් පමණ වන මෙම වන අලියා සොයා ගැනීමට හැකිව ඇති බවයි අප වාර්තාකරු පැවසුවේ.
අනතුරුව ජේසීබී යන්ත්‍රයක් ආධාරයෙන් අලියාට ගොඩට පැමිණීමට මාර්ගයක් සකසා වන අලියා ගොඩටගෙන තිබෙනවා.
ගොඩට පැමිණි වල අලියා අසේලපුර රක්ෂිතයට පලවා හැරීමට කටයුතු කර ඇති බවයි වාර්තාවන්නේ.
