පළාත් සභා ඡන්දය පිළිබඳව මැතිවරණ කොමිසමේ සභාපති මහින්ද දේශප්‍රිය සහ දේශපාලන පක්ෂ නියෝජිතයින් අතර හමුවක් අද මැතිවරණ මහලේකම් ලේකම් කාර්යාලයේදී පැවැත්වුණා.
කෙසේ වෙතත්, එහිදීද මැතිවරණය සම්බන්ධයෙන් අවසන් තීන්දුවකට නොපැමිණි බවයි සාකච්ඡාවෙන් පසු අදහස් දැක්වූ ජනතා විමුක්ති පෙරමුණ වෙනුවෙන් ඊට එක්වූ බස්නාහිර පළාත් සභා මන්ත්‍රී නීතිඥ සුනිල් වටගල සඳහන් කළේ.
ශ්‍රී ලංකා පොදුජන පෙරමුණ නියෝජනය කරමින් අද පැවති සාකච්ඡාවට එක්ව සිටියේ හිටපු අමාත්‍ය බැසිල් රාජපක්ෂයි.
ඔහු පළාත් සභා මැතිවරණය සහ තවත් කරුණු කිහිපයක් පිළිබඳව අදහස් පළ කර සිටියා.
හැකි ඉක්මනින් මැතිවරණය පැවැත්වීමට කටයුතු කරන බවයි අද පැවති සාකච්ඡාවෙන් අනතුරුව අදහස් දැක්වු එක්සත් ජාතික පක්ෂයේ මහ ලේකම් අමාත්‍ය අකිල විරාජ් කාරියවසම් ප්‍රකාශ කළේ.
මේ අතර, ශ්‍රී ලංකා නිදහස් පක්ෂය වෙනුවෙන් සාකච්ඡාවට එක්ව සිටියේ නියෝජ්‍ය අමාත්‍ය ලසන්ත අලගියවන්න සහ පක්ෂ මහ ලේකම්, මහාචාර්ය රෝහණ ලක්ෂ්මන් පියදාසයි.
