පසුගියදා නොසන්සුන්කාරී ලෙස හැසිරුණු තෙබුවන පොලිසියේ සැරයන්වරයා සම්බන්ධයෙන් පොලිස් විශේෂ විමර්ශන ඒකකය, පරීක්ෂණයක් ආරම්භ කර තිබෙනවා.
පොලිස් මාධ්‍ය ප්‍රකාශක, පොලිස් අධිකාරී රුවන් ගුණසේකර අද පැවති මාධ්‍ය හමුවකදී සඳහන් කළේ පොලිස්පතිවරයාගේ උපදෙස් පරිදි ඒ සඳහා පියවර ගෙන ඇති බවයි.
තෙබුවන පොලිස් ස්ථානාධිපතිවරයා, අත්අඩංගුවට ගත් වැලි ටිපර් රථයක් මුදා හැරීමට විරෝධය පළ කරමින් තෙඹුවන නගරයේදී රාජකාරී ගිනි අවියත් රැගෙන මෙම පොලිස් සැරයන්වරයා නොසන්සුන්කාරී ලෙස හැසිරීමත් සමඟ අත්අඩංගුවට ගත් අතර, පසුව රක්ෂිත බන්ධනාගාරගත කෙරුණා.
