ආරක්ෂාව පිළිබඳ දෝෂසහිත තත්ත්වයක් හේතුවෙන් සිය ආදායක ගිණුම් මිලියන 50ක් අවදානමකට ලක්ව ඇති බව ෆේස්බුක් ආයතනය ප්‍රකාශ කළා.
මේ නිසා අදාළ ගිණුම්වල තොරතුරු නිරාවරණයවීමේ අවදානමක් පැවතුණ ද එම දෝෂය නිවැරදි කිරීමට හැකි වූ බවයි එමගින් නිවේදනයක් නිකුත් කරමින් ප්‍රකාශ කළේ.
තවත් ගිණුම් මිලියන 40කට එම අවදානම ඇති විය හැකි බව එමගින් වැඩිදුරටත් සඳහන් කළා.
ඒ අනුව අදාළ ගිණුම් සියල්ලට නැවතත් අලුතින් ඇතුළුවීම අව්‍යශතාවක් බව ෆේස්බුක් ආයතනය කියා සිටියා.
බිලියන 2 ඉක්ම වූ සක්‍රිය ගාහකයන් සිටින ලොව විශාලතම සමාජ මාධ්‍ය ජාලය වන ෆේස්බුක් ආයතනයේ කොටස් අගය ද මෙම සිද්ධිය නිසා ඊයේ දිනයේදී සියයට 3කින් පහත වැටී තිබෙනවා.
