දඹුල්ල ප්‍රදේශයේ ආපනශාලාවක රුපියල් එක්ලක්ෂ 30,000 ක මුදලක් සොරකම් කර ඉන් මිතුරන් වෙනුවෙන් මත්කුඩු සාදයක් සංවිධානය කළ පුද්ගලයෙකු පොලීසිය අත්අඩංගුවට ගෙන තිබෙනවා.
සැකකරු දඹුල්ල ආර්ථික මධ්‍යස්ථානය අසල ආපනශාලාවක වෙළෙන්දෙකුගෙන් මෙම මුදල සොරා ගෙන ඇති බව සඳහන්.
ඒ පිළිබඳව සිදුකළ සෝදිසි මෙහෙයුමකදී ආපනශාලාව ආසන්නයේ ආරක්ෂිත කැමරාවක අදාල සැකකරු මුදල් සොරා ගන්නා ආකාරය සටහන්ව තිබූ බවයි පොලීසිය ප්‍රකාශ කළේ.
ඒ අනුව සැකකරුගේ නිවසට ගොස් ප්‍රශ්න කිරීමේදී ඔහු සොරා ගත් රුපියල් එක්ලක්ෂ 30,000 න් 40,000 ක මුදලක් වැය කොට මිතුරන්ට මත්කුඩු සාදයක් දුන් බවයි පොලීසියට ප්‍රකාශ කර ඇත්තේ.
සැකකරු දඹුල්ල – ලෙනදොර ප්‍රදේශයේ පදිංචිකරුවෙක්.
