දිවයිනේ විවිධ ප්‍රදේශවලට යතුරුපැදිවලින් ගොස් රන් මාල කොල්ලකෑ පුද්ගලයෙකු ගාල්ල නගරයේදී දික්වැල්ල පොලීසිය ඊයේ අත්අඩංගුවට ගෙන තිබෙනවා.
ගාල්ල නගරයේදී රන්මාලයක් කොල්ලකෑම සම්බන්ධයෙන් වන පැමිණිල්ලකට අදාළව දික්වැල්ල පොලීසිය මගින් සිදුකළ විමර්ශනයකින් අනතුරුවයි 27 හැවිරිදි මෙම සැකකරු අත්අඩංගුවට ගෙන ඇත්තේ.
අත්අඩංගුවට ගත් සැකකරුට එරෙහිව රන්මාල කොල්ලකෑම් සම්බන්ධයෙන් අක්මීමන, පෝද්දල, ගාල්ල, උඩුගම, නුවර, නුගේගොඩ, ඇල්පිටිය, මාතර සහ කළුතර ඇතුලූ ප්‍රදේශ ගණනාවක පොලිස් ස්ථානවල අපරාධ නඩු පවතින බවටද කරුණු අනාවරණ වී තිබෙනවා.
එමෙන්ම සැකකරු එම රන් භාණ්ඩ අලෙවි කළ ගාල්ල ප්‍රදේශයේ ව්‍යාපාරිකයෙකු අත්අඩංගුවට ගැනීම සඳහාද පොලීසිය විමර්ශන ආරම්භ කර ඇති බව සඳහන්.
