සිරියාවේ ඩමස්කස් නුවර ගුවන් තොටුපලට ඊයේ සන්ධ්‍යාවේ ඊශ්‍රායල මිසයිල ප්‍රහාරයක් එල්ලවූ බව සිරියානු රජය ප්‍රකාශ කළා.
එහෙත් එම මිසයිල කිහිපයක්ම පතිත වීමට පෙර බිම හෙලීමට සමත්වූ බවයි එමඟින් වැඩිදුරටත් සඳහන් කළේ.
මිසයිල ප්‍රහාරයෙන් සිදුවූ හානි පිළිබඳව වැඩිදුර තොරතුරු සිරියාව විසින් අනාවරණ කර නැහැ.
එහෙත් සිය ගුවන් ආරක්ෂණ පද්ධති සක්‍රිය කළ බව ඔවුන් තහවුරු කළා.
කෙසේ නමුත් මේ සම්බන්ධයෙන් ඊශ්‍රායලය මෙතෙක් කිිසිදු ප්‍රකාශයක් සිදුකර නැහැ.
ඊශ්‍රායලය විසින් සිරියාව සහ ඉරානය සළකන්නේ මැදපෙරදිග සිය පසමිතුරන් ලෙසයි.
එබැවින් මෙවැනි ප්‍රහාර ඔවුන් විටින් විට එල්ල කරනු ලබනවා.
